अहिल्यानगर ः “पौष्ठिक तृणधान्यांची उत्पादन क्षमता अहिल्यानगर जिल्ह्यात उत्तम आहे. शेतकऱ्यांना याचा अधिकाधिक उपयोग करावा लागेल, जेणेकरून त्यांच्या उत्पन्नात वाढ होईल आणि विविध पोषण समस्यांवर मात केली जाऊ शकते. त्यामुळे जिल्ह्यात पौष्टीक तृणधान्याचे क्षेत्र वाढीसाठी कृषी विभाग प्रयत्नशील आहे असे जिल्हा अधिक्षक कृषी अधिकारी सुधाकर बोराळे म्हणाले.
Ahilyanagar: “Production potential of nutritious food grains is great in Ahilyanagar district. Farmers have to utilize it more, so that their income can increase and various nutritional problems can be overcome.Therefore, the Agriculture Department is trying to increase the area of nutritious cereals in the district, said District Superintendent Agriculture Officer Sudhakar Borale.
महात्मा फुले कृषी विद्यापीठात शनिवारी (ता. २२) एक दिवसीय पौष्ठीक तृणधान्य महोत्सव झाला. जिल्हा अधिक्षक कृषी अधिकारी सुधाकर बोराळे, महात्मा फुले कृषी विद्यापीठातील वनस्पती शास्त्र प्रमुख डाॅ. विजु अमोलीक, उपविभागीय अधिकारी राजेंद्र सुपेकर, प्रविण गोसावी, विजय शिंदे, कृषी उपसंचालक सागर गायकवाड यांच्यासह कृषी विभागातील अधिकारी आणि शेतकरी उपस्थित होते.
सुधाकर बोराळे म्हणाले, पौष्टीक तृणधान्याला मागणी अधिक आहे. जिल्ह्यातील स्थितीही उत्पादनासाठी उत्तम आहे. त्यामुळे या पौष्टीक तृणधान्याचे क्षेत्र वाढणे गरजेचे आहे. शेतकऱ्यांनी तृणधान्य उत्पादनाला प्राधान्य द्यावे आणि क्षेत्र वाढीसाठी कृषी विभाग प्रयत्नशील आहे. येत्या खरीप हंगामात जिल्ह्यातील शेतकऱ्यांनी तृणधान्य पिकांच्या उत्पादन घेतल्यास चांगले आर्थिक उत्पन्न मिळू शकते. यावेळी कार्यक्रमात विविध तज्ञांनी पौष्ठिक तृणधान्यांच्या चर्चा केली. तसेच, विविध तृणधान्यांचा वापर कसा आहारात करावा आणि त्याचे आरोग्यदायक फायदे काय आहेत याबाबत माहिती दिली.
डॉ. अमोलिक यांनी “पौष्ठिक तृणधान्यांचे उत्पादन शेतकऱ्यांसाठी फायदेशीर ठरू शकते. त्यामुळे शेतकऱ्यांना योग्य मार्गदर्शन आणि तंत्रज्ञानाचे ज्ञान देणे अत्यंत आवश्यक असल्याचे सांगितले तर राजेंद्र सुपेकर उपविभागीय कृषी अधिकारी कर्जत यांनी जामखेड ज्वारी बद्दल माहिती दिली. तर विजय शिंदे शास्त्रज्ञ यांनी ज्वारी लागवड तंत्रज्ञान याबद्दल मार्गदर्शन केले. डॉ, विक्रम कड यांनी तृणधान्य पिकावर प्रक्रिया करून तयार केल्या जाणाऱ्या उपपदार्थाबद्दल तर नेब्र्स्का (अमेरिका) येथून कार्यक्रमासाठी आलेले नेब्बलम यांनी आंतर राष्ट्रीय बाजारपेठे मध्ये तृणधान्य पिकासाठी असलेल्या संधी बद्दल माहिती दिली. कार्यक्रमात पौष्ठिक तृणधान्यांच्या उत्पादनात उत्कृष्ट कार्य केलेल्या शेतकऱ्यांना सन्मानित करण्यात आले. तालुका कृषी अधिकारी उल्हास राक्षे यांनी सुत्रसंचालन केले तर उपविभागीय कृषी अधिकारी प्रवीण गोसावी यांनी आभार मानले.
————–